Нууцлалын бодлого

1. Бидний цуглуулдаг мэдээлэл

• Зураг (селфи): зөвхөн таны захиалсан бичлэгийг хийх, шалгахад ашиглана.
• Тайлбар болон бичвэр: бичлэгийн загварт оруулахад ашиглана.
• Бүртгэл: утасны дугаар, эсвэл Facebook/Google-ийн нэр, и-мэйл, профайл зураг.
• Төлбөр: QPay нэхэмжлэлийн дугаар, дүн, төлөв. Бид картын болон банкны дансны мэдээлэл хадгалахгүй.
• Техникийн мэдээлэл: IP хаяг, хөтчийн төрөл, төхөөрөмжийн нэргүй танигч (урвуулан ашиглахаас сэргийлэх), сурталчилгааны холбоосын UTM шошго.

2. Хадгалах хугацаа

• Селфи зургийг 7 хоногийн дараа автоматаар устгана.
• Төлбөр хийгдээгүй бүртгэлгүй захиалгын зургийг 1 цагийн дараа устгана.
• Бэлэн болсон бичлэгийг 30 хоногийн дараа устгана. Хадгалахыг хүсвэл утсандаа татаж авна уу.
• Төлбөр, кредитийн түүхийг нягтлан бодох бүртгэлийн хуулийн дагуу хадгална.

3. Хэнтэй хуваалцдаг вэ

• AI загвар нийлүүлэгч: бичлэг хийх, зураг шалгахад зураг, тайлбарыг дамжуулна. Тэд үүнийг өөрсдийн загвар сургахад ашиглахгүй байх нөхцөлтэй.
• QPay болон банк: төлбөр гүйцэтгэх.
• SMS үйлчилгээ үзүүлэгч: нэвтрэх код, бичлэгийн холбоос илгээх.
• Meta (Facebook): сурталчилгааны үр дүнг хэмжих (ViewContent, InitiateCheckout, Purchase үйл явдал). Зураг, бичлэгийг Meta-д дамжуулахгүй.
• Бид таны мэдээллийг худалдахгүй.

4. Нүүрний мэдээлэл

Зураг шалгахдаа нэг хүн байгаа эсэх, насанд хүрсэн эсэх, гэрэлтүүлэг зэргийг автоматаар үнэлнэ. Мөн бэлэн бичлэгийн нүүр таны селфитэй таарч байгааг шалгана. Эдгээр үнэлгээг зөвхөн тухайн захиалгад ашиглаж, хүнийг таних мэдээллийн сан үүсгэхгүй.

5. Күүки

Нэвтрэлт (rh_session), хэлний сонголт (lang), төхөөрөмжийн танигч (rh_device), Meta Pixel-ийн күүки ашиглана. Хөтчийн тохиргооноос күүкиг хааж болох ч зарим үйлчилгээ ажиллахгүй.

6. Таны эрх

• Өөрийн мэдээллийг харах, засуулах, устгуулах эрхтэй.
• Бичлэгээ хугацаанаас нь өмнө устгуулах, бүртгэлээ хаалгах хүсэлтээ доорх хаягаар илгээнэ үү.
• Мэдэгдэл (push, SMS)-ийг “Би” хэсгээс унтрааж болно.